Kanadanın Ontario əyalətinin Toronto şəhərində yaşayan azərbaycanlı icması adından başsağlığı

Posted on May 25, 2015

Kanadanın Ontario əyalətinin Toronto şəhərində yaşayan azərbaycanlı icması adından may ayının 19-da Bakının Binəqədi rayonundakı çoxmərtəbəli binada baş verən yanğında həlak olanların, yaralananların və zərər görənlərin ailələrinə başsağlığı.

“Biz, Torontoda yaşayan azərbaycanlılar, may ayının 19-da səhər saatlarında Bakıda baş vermiş yanğın xəbərini eşidib üzüntü ilə qarşıladıq. Orada həlak olanların və yaralananların ağrı və iztirablarını öz ağrımız kimi qarşılayıb üzüldük və bu faciənin az itki ilə keçməsini dua edirdik. Burada Azərbaycanda baş verənləri hər birimiz diqqətlə izləyir və müzakirə edirik. Amma çox əfsuslar olsun ki, faciə qurbanlarının sayı çox olmuş və bunun qarşısını almaq mümkün olmamışdır. Hər bir insanın və ailənin itkisi faciədir, əsasən də belə qeyri-adi hadisə nəticəsində yaranmış faciənin qurbanları sırasında günahsız fidan balaların olması daha da insanı incidir və sarsıdır. Əgər bizim bu müraciətimiz faciə qurbanlarının yaralarına və ağrılarına bir məlhəm olacaqsa, xahiş edirik bu müraciətimizi səmimi olaraq qəbul edin.

Bir daha Tanrı hamımıza səbr versin və faciə qurbanlarına rəhmət diləyirik.

Azərbaycanın ağrısı bizim ağrımız, sevinci bizim sevincimizdir